Манчестер јунајтед стана „гол-машина“ во Премиер лигата! (ВИДЕО)
Фудбалерите на Манчестер јунајтед убедливо на домашен терен ја совладаа екипата на Борнмут со 5:2 во рамките од 33 коло во најсилното англиско првенство.
Нови три важни бода за „црвените ѓаволи“ кои се борат за едно од местата кои водат во групите на ЛШ следната сезона, моментно се на четвртото место со 55 бодови, еден повеќе од Челси кој има меч помалку.
На денешниот дуел во составот на Оле Гунар Солскјер двапати во листата на стрелците се запиша Гринвуд, а по еднаш Решфорд, Марсијал и Фернандеш кој воедно запиша и две асистенции.
На спротивната страна Станислас се погрижи за водство на гостите, но нивните ривали направија пресврт, а вториот погодок беше дело на Кинг од пенал во 49 минута од средбата.
Во саботната програма, Брајтон на гости триумфираше кај Норич (0:1), а Лестер со 3:0 беше подобар од Кристал палас. Од 18.30 часот Вулверхемптон е домаќин на Арсенал, а од 21.00 часот Челси ќе ги одмери силите со Ватфорд.