Клубот веднаш побарал помош од експерти да се одбрани од нападот, но веќе било предоцна бидејќи наводно хакерите украле огромен број податоци од членовите на Јунајтед.

Медиумите објавија дека хакерите бараат милионска отштета, а клубот може да западне во големи проблеми со американските и британските власти доколку се согласи да ја плати сумата.

Иако е англиски тим, акциите на Манчестер јунајтед се тргуваат на њујоршката берза, а тоа значи дека подлежат на американските закони. Во нив пишува дека на секое правно лице кое се наоѓа на берзата му се заканува казна до 20 милиони долари доколку го плати откупот на сајбер криминалците, а посебно доколку се утврди дека тие се од Русија, Иран или Северна Кореја. Тоа според американските закони се смета како помош на криминалците да продолжат со својата работа.

Од друга страна, според британските закони, Манчестер јунајтед може да биде казнет со дополнителни 18 милиони фунти доклку се докаже дека се украдени податоци од британски државјани.