Манчестер јунајтед има нов газда?
Сензационалната вест во фудбалот денеска доаѓа од Саудиска Арабија, Манчестер јунајтед има нов сопственик. Еден од претставниците на Владата, Моаид Махџуб на својот профил на Линкедин, објави дека инвеститор од Саудиска Арабија откупил мнозински пакет на акции на Манчестер јунајтед.
Веќе неколку месеци се шпекулира дека кралското семество на чело со принцот Мохамед бин Салман сака да го купи Манчестер јунајтед од семејството Глејзер за сума од нешто повеќе од три милијарди фунти.
A Saudi Arabian investor has purchased Manchester United from The Glazers, as per Moaid Mahjoub, a Director of Government Affairs. #ManUtd | #MUFC pic.twitter.com/5ucaj7xjj9
— Nitwik Football (@NitwikFootball) November 1, 2019
Американското семејство Глејзер за 800 милиони фунти во 2005 година ги купи Манчестер јунајтед, а доколку денешната вест е точна, тогаш заработката ќе биде неколкукратна. Тежина на информацијата дава и тоа што членот на управата на „црвените ѓаволи“, Ричард Арнолд се наоѓа во Саудиска Арабија, но се уште нема официјална потврда од „Олд трафорд“.