Манасков најдобар стрелец во контролниот меч за Веспрем
Екипата на Веспрем ги стартуваше подготовките за новата сезона, а формата ја темпира и преку одигрување на пријателски натпревари.
Денеска ракометарите на тренерот Давид Дејвис во првиот контролен меч загубија изненадувачки од Татабања со резултат 31:33 (15:17).
Најефикасен во редовите на Веспрем беше македонското лево репрезентативно крило Дејан Манасков со шест погодоци. Следува Ненадиќ со пет голови, а по четири реализираа Омар и Штрлек.
Потсетување дека Веспрем во Лигата на шампионите се најде во групата „Б“ со Барса, Кил, Алборг, Нант, Мотор, Целје и ППД Загреб.
Првиот меч Унгарците ќе го имаат на 16 септември на гостувањето во Франција кај Нант на нашиот Кирил Лазаров.