Мамин син: На американски боксер тренер му е неговата мајка
Денис Даглин е 32-годишен американски боксер чиј прекар е „Мамин син“, во буквална смисла го оправдува прекарот бидејќи тренер му е неговата мајка.
– Велат дека на секој боксер му е потребен тренер кој постојано ќе се грижи за него, кој ќе се погрижи да не „забушавате“, а сепак нема да ве претренира. Кој е подобар од сопствената мајка во тоа, кој ви поблизок од неа? Мајките секогаш ви го посакуваат најдоброто и ве сакаат највеќе на светот. Токму тоа јас го имам во својот корнер, а никој друг го нема. Ние двајца напорно тренираме, таа не сака никој да ме победи и ме учи на се како да останам безбеден – вели Денис Даглин.
Даглин во амаерска конкуренција имаше одлична кариера, оствари 95 победи и само девет порази, а успеа да ја освои и познатата „златна ракавица“. Неговата мајка Сафија Даглин вели дека никогаш не сакала од нејзиниот син да направи боксер, туку го учела како да се брани.
– Денис многу млад започна да вежба боречки спортови и не му одеше најдобро на почетокот. Тој почна да вежба за да научи како да се брани. Затоа и го учев да боксува, да се брани, а не да стане професионален боксер. Тој дури и не го сакаше боксот, но откако му одеше се подобро и подобро – го засака овој спорт и заедно го пропатувавме целиот свет – вели Сафија Даглин.
Денис во професионалната кариера не е толку успешен како аматер, има скор од 22 победи и 17 порази, а е единствен боксер во светот кој е трениран од страна на сопствената мајка.
