Поради новите мерки во Грција за превенција од коронавирусот и откажување на културни и уметнички настани со над 1.000 лица, концертите на колумбиската музичка ѕвезда Малума, закажани за 11 март 2020 во Атина и 13 март во Солун, нема да се одржат, потврдуваат организаторите на концертите за дописничката на МИА од Атина.

Колумбискиот пејач е особено популарен меѓу младите, а за концертите во Грција, особено за оној во Солун, имаше организирани тури и од неколку македонски туристички агенции.

View this post on Instagram

Hoy enguayabadito (resaca) ? pero valió la pena, miren cómo la pasamos ayer! Gracias de todo corazón por sus buenos deseos de cumpleaños, me llenan el alma. Ya son 26 ? no tan Maluma Babyyyy ???

A post shared by MALUMA (@maluma) on Jan 29, 2020 at 7:44am PST

– Комисијата на Министерството за здравство на денешниот состанок одлучи да се одложат сите уметнички настани со повеќе од 1.000 лица. Според тоа, двата концерта на Малума на 11 март во Атина и на 13 март во Солун, нема да се одржат. Се очекува известување од менаџментот на пејачот за тоа дали ќе бидат презакажани на други датуми или ќе бидат сосема откажани, соопштија од компанијата задолжена за продажба на билети за концертот.

Организаторите на концертите во Грција велат дека дополнително ќе биде соопштено дали ќе се одредат нови датуми.

Иако концертот во Атина беше закажан за в четврток, Малума веќе се наоѓа во грчката престолнина.