Во соопштението кое го објави второлигашот не се наведуваат никакви детали освен дека Санчез нема да биде тренер на првиот тим се додека не заврши истрагата.

Шпанските медиуми пренесуваат дека Малага се одлучи на ваков чекор бидејќи на интернет се појави видео снимка на која 43-годишниот тренер прво се соблекува, а потоа и замозадоволува. Самиот тренер изјави дека е жртва на уцена и дека случајот веќе го пријавил во полиција.

„Во однос на случувањата кои неодамна се откриени и кои до сега не се проверени, Малага веднаш го суспендира тренерот Виктор Санчез дел Амо од должноста се додека не заврши истрагата. Понатамошните чекори и постапки ќе ги откриеме откако ќе бидеме запознаени со сите детали од истрагата“, објави тимот од Андалузија.