Максимална затворска казна за пет лица на Филипините: Во 2009 година убија 57 луѓе, 32 од нив беа новинари

Фото: EPA-EFE/SC-PIO

Филипинскиот суд ги прогласи за виновни главните припадници на политичкиот клан Ампатуан, за политички мотивиран масакар извршен во 2009 година, во кој беа убиени 57 лица, меѓу кои и 32 новинари.

Судот на максимална затворска казна од 40 години осуди петмина членови на семејството Ампатуан, меѓу кои е и поранешниот градоначалник Андал Ампатуан, кој ги контролирал убиствата.

Исто така наложено им е да исплатат надомест на семејствата на жртвите.

Нападот е еден од најтешките случаи на изборно насилство во таа земја и еден од најголемите светски поединечни напади врз новинари.

Членовите на семејството Ампатуан се обвинети за напад од заседа на конвој на противничкиот клан, кој тргнал да го регистрира својот кандидат за изборите.

Семејството ги негира обвиненијата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот