Макрон: Русија ја користи храната како оружје
Францускиот претседател Емануел Макрон во својата посета на африканската земја Камерун, ја опиша глобалната криза со храна како „едно од оружјата на Русија“ во војната против Украина, пренесува Ројтерс.
Камерун, како и останатите земји во развој, се брои со големата криза со храна која ги погоди земјите од тој регион.
Недостатокот на основните прехранбени продукти, како и растот на цените на горивата, принуди илјадници жители на главниот град Јаоунде да чекаат ред пред бензинските станици.
Макрон во моментов е на турнеја низ Африка, каде ќе ги посети земјите во обид да го зајакне односот на Франција со некогашните колонии.
„Нас не обвинуваа дека сме виновни за оваа криза поради санкциите кои ги воведовме против Русија. Тоа воопшто не е точно.“ изјави Макрон од Камерун.
Многу африкански земји се зависни од руската и украинската пченица, а од почетокот на конфликтот увозот за овие земји прекина.
„Храната, како и енергијата станаа оружје за Русија. Ние мора да им помогнеме на африканските земји да произведуваат повеќе за себе“ додаде Макрон.