Макрон му порачал на Пендаровски: Сега на нас ни треба повеќе време
Во вечерашното издание на Топ Тема на телевизија Телма, претседателот Пендаровски, зборуваше за средбата со францускиот претседател Емануел Макрон.
Пендаровски истакнал и дека не добил гаранции од ЕУ дека ќе добиеме преговори, туку само гаранција дека методологијата се подготвува, која ќе биде нешто ново.
– Можно е промената на методологијата да ги засегне и базичните европски договори, но крајниот рок кој јас си го поставувам себеси е март. Добивме одлука и дека нема да има политичка одлука подоцна од мај, рече тој. Во март чекаме да биде усвоена методологијата, која во моментов циркулира како нон пејпер и за чија содржина знаат неколку земји членки на ЕУ – вели Пендаровски.
Средбата на Пендаровски со Макрон траела 20 минути, во текот на кои Пендаровски стекнал впечаток дека францускиот претседател е необичен политичар, интелигентен и дискретен.
– Овојпат нам ни треба повеќе време, не вам – му рекол Макрон на Пендаровски во врска со реформите во ЕУ, пред да продолжи проширувањето на Унијата.
Пендаровски добил впечаток дека Макрон е необичен политичар, нестандарден, интелегентен и директен.
Не заобиколува и не користи дипломатски речник, вели претседателот. Освен за методологијата, и за политичката одлука по нејзиното усвојување, Пендаровски добил и гаранција и дека Макрон ќе ја посети нашата земја.