Макрон и Вучиќ, то су срца два!

Кога Вучиќ, како што најави на самитот во Охрид, ќе се понуди да посредува кај Макрон за да дознаеме што му е во умот на францускиот претседател за судбината на европската перспектива на Македонија, тоа ви е како кога ласицата ќе вети дека ќе преговара со лисицата за безбедноста на јајцата во кокошарникот на Заев.

Има пердуви да летаат на сите страни; омлет, прсти да излижеш!

Вучиќ и Макрон се најблиските соработници во новиот заговор – се извинувам, не ми текнува подобра квалификација – кој сè плете околу иднината на Балканот, а чија цел е таа иднина да се напише поинаку од онаа што беше ветувана од страна на ЕУ (и на Американците!) во последните две-три децении.

Какво е тоа „поинаку“, тоа можеби ни самиот Макрон во моментов точно не го знае, но сигурно е дека тоа нема да подразбере полноправно членство на земјите од Западниот Балкан во ЕУ, ни за пет, ни за сто и пет години. Ако му помине.

Прочитајте и...  Изборни ветувања во сенката на шовинизмот

На Вучиќ тоа, парадоксално, некако и му одговара: Србија е најважната земја во центарот на Балканот, без капацитет да ги реши косовско-босанските компликации, а без значајни отстапки во таа геополитичка рамка, европскиот пат на Белград кон Европа е, секако, закочен до догледна иднина; па зошто, тогаш, „македонското сценарио“ – од гледна точка на внатрешната и надворешната политика на „српското сценарио“ на Вучиќ, кое со години комотно го одржува на власт – да има подобри изгледи за евроинтеграции?!

Алтернативата е „мал шенген“, во кој Србија ќе биде најголемиот партнер и за трговија и за слободен проток на луѓе и идеи и за странски инвестиции и слично, но и за преговори за европската иднина на Западниот Балкан, откако Франција ќе реши дека е добро време за тоа.

Прочитајте и...  Партиите го кажаа своето, сега ќе зборуваат гласачите

Што се однесува до Албанија, во „малиот шенген“ за неа речиси нема ништо спорно. За нив, и со и без догледна ЕУ-перспектива, прашањето на Косово им виси „врз глава“, а без функционален и изгледен европски контекст, тој проблем секогаш е подобро да се решава во проширена рамка, во поширок политички и економски маневарски простор, макар несреќно да се вика и „мал шенген“.

Плус, Албанија има море – следната средба е закажана во Драч, најголемото пристаниште во „малиот шенген“! Охрид е прекрасен, ама Медитеранот е, практично, без брегови…

И, сега, што може(л) Заев да прави?! Сите домашни и странски злобници го исмеваат дека бил лажен и манипулиран од големите европски сили; а тој глупав муртински опинок, им верувал и дома ветувал подобра иднина, ширел нереален оптимизам за датуми и рокови… Наместо да остане задрт Балканец, со сите да е во кавга, да не реши ниту еден спор, со светот да комуницира секоја престапна година и така да си тера со владеење во библиската Република Македонија како оној пред него цели 11 години…

Прочитајте и...  Иван на кого му беше трансплантирано срце заминува на домашно лекување (ФОТО)

Ќе видиме во што ќе се изроди „малиот шенген“. Ако, миракулно, се откочи патот до ЕУ, смислата за неговото постоење ќе го има прогресивниот контекст на кој сите сега се повикуваат.

Доколку, пак, ласицата ни јави од Париз дека лисицата не попушта, тогаш тавчињата на готовс, француски омлет ќе се спрема!

Прочитај повеќе

Иван на кого му беше трансплантирано срце заминува на домашно лекување (ФОТО)

Слободен печат

МОФ: Голем дел од професорите воопшто не се ни запознаени како да работат со дигиталните платформи за предавање

Слободен печат

Америка во канџите на короната – трет ден рекорден број на новозаболени лица (ФОТО)

Слободен печат

Филипче: Ќе отпочнат подготовки за ослободување на дел од капацитетите во ГОБ „8 Септември“

Слободен печат

ИНТЕРВЈУ Зоран Заев: Ќе има за сите, а за пензионерите плус 4.500 денари месечно!

Љубиша Николовски

Стотици жени излегоа на протести во Париз, не го сакаат новиот министер Дарманин, кој е под истрага за силување (ФОТО)

Слободен печат

Остави Коментар

Прочитај повеќе

Повредени новинари за време на протестите во Белград

Слободен печат

Партиите го кажаа своето, сега ќе зборуваат гласачите

Соња Христовска Угриновска

Ковид-19 зема замав, рекорден број новозаболени и оздравени во државава

Слободен печат

Шокантна снимка од ковид амбулантата во Крагуевац: Вака изгледаат медицинските работници по шестчасовна смена, чизмите им се полни со вода (ВИДЕО)

Слободен печат

Усвоени нови мерки за Белград: Кафулињата, теретаните и продавниците ќе работат до 21 часот

Слободен печат

Хрватска ќе го воведе еврото до 2023 година

Слободен печат