Макрон и Ле Пен фаворити на претседателските избори во Франција
Актуелниот француски претседател Емануел Макрон и лидерката на екстремно десничарската партија Национално собрание Марин Ле Пен остануваат фаворити на претседателските избори закажани за пролетта 2022 година, објави парискиот весник Фигаро, повикувајќи се на резултатите од најновото истражување на јавното мислење.
Макрон би добил помеѓу 24 и 29 проценти од гласовите во првиот круг од изборите, а Марин Ле Пен помеѓу 24 и 27 проценти од гласовите, и двајцата би влегле во вториот круг од претседателските избори како на изборите пред пет години.
На третото место ќе биде десничарот Ксавиер Бертран, според анкетата, додавајќи дека тој има солидна изборна база затоа што за него би гласале поддржувачите на десницата, така што не е исклучена можноста за влез во вториот круг од изборите.
Другите десничари, вклучително и поранешниот преговарач за ЕУ за Брегзит, Мишел Барние, ќе добијат 11 проценти од гласовите, наведува Фигаро, додавајќи дека Барние може да биде изненадување бидејќи се соочува со „недостаток на озлогласеност”
извор МИА