Макрон и Фон дер Лајен неделава ќе одат во посета на Кина

Фон дер Лајен и Макрон / Фото ЕPA-EFE/TERESA SUAREZ

Претседателката на Европската комисија, Урсула фон дер Лајен и францускиот претседател Емануел Макрон ќе ја посетат Кина од 5 до 7 април, соопшти денеска кинеското Министерство за надворешни работи.

Од Министерството посочија дека кинескиот претседател Си Џинпинг планира да разговара со Макрон за билатералните односи, продлабочувањето на соработката и важните светски прашања. Европската комисија соопшти дека Фон дер Лајен ќе се сретне со Макрон на работен ручек утре, пред да отпатуваат заедно во посета на Кина.

Главниот портпарол на Комисијата, Ерик Мамер, денеска на Твитер напиша дека Фон дер Лајен и Макрон ќе разговараат за војната во Украина, енергетскиот сектор, како и за подготовките за посетата на Кина, вклучително и нивната заедничка средба со кинескиот претседател.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот