Францускиот претседател Емануел Макрон го обвини турскиот колега Реџеп Тајип Ердоган дека ги прекршил ветувањата за Либија.

Според него, турските борбени бродови и сириските борци пристигнале во таа земја.

-Сакам да изразам загриженост во врска со однесувањето на Турција во овие моменти, што е потполна спротивност на она што претседателот Ердоган се обврза на конференцијата во Берлин, истакна Макрон.

Оваа изјава доаѓа откако Обединетите Арапски Емирати, Египет и Русија од една страна и Турција од друга страна, се обврзаа дека ќе работат на постигнување траен прекин на огнот.

ОАЕ, Египет и Русија го поддржуваат командантот на либиската војска на истокот од земјата, Калифа Хафтар, а Турција ја поддржува владата во Триполи.