Макрон до Французите: Нова етапа ќе се отвори од сабота 28 ноември

Емануел Макрон
Емануел Макрон /Фото: ЕПА

Вашите напори се исплатија, граѓанскиот дух што го покажавте беше ефикасен, им рече претседателот на Франција Емануел Макрон на своите сограѓани, кој инсистира на преземање одговорност за долгорочните последици на Ковид-19, како и за психолошките последици од пандемијата, јави дописникот на МИА.

Во телевизиското обраќање, Емануел Макрон соопшти дека Франција го помина врвот од вториот бран од епидемијата.

-Денес достигнавме 50.000 смртни случаи поради епидемијата. Во некои региони, смртноста останува загржувачки голема. Имаме неколку недели пред нас, за да ја постигнеме целта што ја имав поставено за контрола на епидемијата, со 5000 случаи на ден. Ние мора да продолжиме со нашите напори “, рече тој.

Претседателот на Франција потоа даде детали на идниот календар: „Нова етапа ќе се отвори од сабота 28 ноември”.

Потврдата за излегување од дома и понамату ќе биде  задолжителна по 28 ноември, односно ќе треба да се продолжи да се работи од дома, да се откаже од непотребните патувања.

Најавувајќи повторно отворање на продавници и одобрување на физичка активност во радиус од 20 км со траење од три часа.

Од друга страна, нема да има отворање на кината, театрите, музеите во рамките на строгите здравствени протоколи се до 15 декември.

Ако ограничувачките мерки за излегување од дома со потврда завршат на 15 декември, кога ќе започне втората фаза, тогаш ќе биде воведен полициски час од 21 до 7 часот.

-Ќе можеме слободно да се движиме навечер на 24 и 31 декември, но нема да има собири на јавни места, објасни Емануел Макрон.

Средношколците ќе можат да се вратат на училиште околу 20 јануари, кога започнува втората фаза, а студентите дури две недели подоцна. Од 20 јануари ако ситуацијата дозволува ќе можат да отворат баровите, рестораните и ноќните клубови.

Владата можеби ќе ја направи задолжителна обврската за изолација на лицата кои се позитивни на Ковид-19, но францускиот претседател не планира да ја направи вакцината против Ковид-19 задолжителна, а првите вакцини ќе започнат во декември.

Најавувајќи влошување на економската и социјална криза, францускиот претседател најави дека на сила ќе останат и мерките за помош на претпријатијата, како и на најранливите слоеви на населението.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот