Македонските одбојкари за медал против Црна Гора на Балканијадата во Приштина

Фото: facebook.com/volleyballmkd

Македонските одбојкарски репрезентативци до 20 годишна возраст на Балканското првенство во Приштина денеска против Црна Гора со почеток од 18.00 часот има многу важен натпревар.

Во првото коло го совладавме Косово со 3:1, потоа загубивме од Бугарија (0:3), а во третиот меч бевме подобри од Албанија со 3:0 во сетови 25:22, 25:16 и 25:21.

Репрезентацијата предводена од селекторот Ванче Санев е на дофат на медал на Балканијадата затоа што Бугарија и Турција имаат максимален ефект со по три успеси, а нашиот денешен противник Црна Гора оствари само една победа пред соочувањето со нас.

Тоа значи дека доколку денеска победиме, без разлика на резултатите од утрешното последно петто коло, Македонија ќе биде освојувач најмалку на бронзениот медал.

Шансите за таков расплет се реални иако Црногорците имаат квалитетен состав, а тоа го покажаа освојувајќи по еден сет во соочувањата со фаворитите Бугарија и Турција. Тие денеска ќе играат меѓусебе за да го задржат максималниот ефект, а програмата со три средби ќе започне со мечот Косово-Албанија.

Видео на денот