После двете победи над Кипар и Израел, денеска во Струмица најдобрата македонска одбојкарска репрезентација го претрпе првиот пораз во Европската сребрена лига.

Избраниците на селекторот Никола Матијашевиќ со резултат 0:3 во сетови 21:25, 23:25 и 24:26 загубија од селекцијата на Данска.

Во победничките редови доминираше Мад Кјед Јенсен со 22 поени, пет помалку во македонската репрезентација запиша Никола Ѓоргиев.

Во периодот од 28-30 мај ќе се игра вториот турнир во Шлагелсе (Данска), редоследно играме против Данска, Израел и на крајот со Кипар.

На тој начин Данците по првиот турнир одигран во нашата земја се наоѓаат на првото место во групата „А“ со осум бодови, пред Македонија која има шест, Израел е трет со три, а последен е Кипар кој има еден.