Македонските одбојкари поразени во вториот контролен меч со Албанија
После триумфот во првиот пријателски натпревар, денеска во Маврово македонската одбојкарска сениорска репрезентација загуби со 3:0 од Албанија.
Избраниците на селекторот Ратко Павличевиќ продолжуваат со подготовките со цел да ја достигнат оптималната форма за настапот во Европската сребрена лига, а еден од ривалите е токму албанската селекција.
Во групата „Б“ ќе ги одмериме и силите против репрезентациите на Романија и Босна и Херцеговина.
Стартот во Европската сребрена лига за одбојкарите е на 25 мај на домашен терен против БиХ, по што ќе следува гостување кај Романија.
Потоа избраниците на Павличевиќ ќе одиграат два натпревари против Албанија, а во последните две кола Македонија прво ќе ја пречека Романија, а потоа ќе гостува во БиХ. Пласман на завршниот турнир што на 18 и 19 јуни ќе се игра во Унгарија, ќе обезбедат двете првопласирани репрезентации.