Како што најавуваат од македонската кошаркарска федерација в среда (25 декември) ќе се промовира новиот селектор на нашата најдобра машка кошаркарска репрезентација.

Промоцијата на новиот селектор ќе се случи во 12.00 часот во просториите на хотелот „Елса“ во Скопје.

Како што од претходно е најавено, Александар Тодоров треба да биде презентиран пред јавноста кој треба да биде наследник на Јорданчо Давитков на кој му истече договорот.

Како што и најави претседателот на кошаркарската федерација, Перо Антиќ, на неформална средба со медиумите на 19 септември годинава, се преговара(ше) со неколку имиња.

Новиот селектор ќе има задача да ја води репрезентацијата од февруари 2020 година во квалификацискиот циклус за пласман на наредното Европско првенство 2021.

Нашата селекција се наоѓа во група со Русија, Естонија и Италија, и првопласираните три селекции од групата ќе обезбедат настап на континенталниот собир.