Македонските и бугарските експерти утре ќе разговараат за Делчев

Во конструктивна и коректна дискусија и дебата помина првиот ден од седмиот состанок на мешовитата македонско бугарска експертска комисија којшто се одржува во Софија. Членовите на Комисијата работеле по претходно разменетите предлог идеи за усогласување на препораки  за учебниците за седмо одделение во Северна Македонија и шести клас во Бугарија.

– Постојат сериозни разлики во однос на пристапот и разбирањето на средновековната историја и во однос на терминологијата  и користењето на одредени термини во учебниците кои се однесуваат на средновековниот период, потврдија за МИА извори од Комисијата.

И покрај разликите членовите на Комисијата усогласиле некои забелешки во однос на општите проблеми кои постојат во учебниците во двете држави и имале можност, како што велат оттаму, да си укажат едни на други што е тоа што им пречи од тие учебници.

Прочитајте и...  Со знамиња и цветни букети Мета со протестот сака да ја донесе црвено-црната пролет за сите Албанци

Ова, како што велат од Комисијата, е многу важно за да им се овозможи на двете страни да развијат чувство за начинот на кој другиот гледа и го вреднува минатото.

Кај македонската страна постои уверување дека на следните средби разликите ќе се надминуваат со цел да се дојде до препораки  во насока на градење на добрососедските односи и во насока како различното толкување на минатото да не биде пречка меѓу македонскиот и бугарскиот народ.

Членовите на Комисијата се согласни дека е потребна и дискусија како да се промени пристапот и начинот на нејзиното работење со цел состаноците коишто ги одржува да дадат уште подобри резултати во духот на Договорот за добросоодество.

Како што беше и претходно најавено дека на седмиот состанок освен за средновековниот период ќе се распарава и за ликот и делото на Гоце Делчов, втората тема односно заедничкото чествување на Делчев ќе биде разгледана утре.

Прочитајте и...  Иран: САД ја кријат вистината за ракетниот напад во Ирак

Средбата е продолжение на претходната, која се одржа во Скопје во јуни. Ова е четврта средба на Комисијата оваа година, а до крајот на годината се предвидени уште две средби.

Од досегашните шест средби до владите на двете земји се препорачани заеднички чествувања на Св.Кирил и Методиј, Св.Климент, Св.Наум и Цар Самоил, како и препораки за подобрување на учебниците по историја за шесто одделение во Република Северна Македонија и петти клас во Република Бугарија кои се однесуваат на античкиот период од минатото.

Препораките до двете влади за периодот на антиката за учебниците од петто одделение во бугарскиот образовен систем и за шесто во македонскиот образовен систем беа усвоени на последиот состанок, што се одржа на почетокот на јуни во Скопје.

Прочитајте и...  Во земјава нема заболени од коронавирусот

Гоце Делчев беше тешкото прашање на последната средба во јуни, а тогаш претседавачот од македонска страна Драги Ѓоргиев и бугарскиот претседавач Ангел Димитров напоменаа дека за одредени работи експертите од двете земји постигнале согласност во однос на личноста и делото на Делчев, но за одредени, нивните мислења се спротивставувале.

Целта на состаноците, како што велат од Комисијата, е да се изврши денационализација и деполитизација на минатото. Комисијата е формирана на паритетна основа за решавање на историските и образовни отворени прашања, согласно со член 8 став 2 од Договорот за добрососедство и соработка меѓу Северна Македонија и Бугарија, потпишан на 2 август 2017 година. Има по седум членови од двете држави, претседател од македонска страна е Ѓоргиев, а од бугарска Димитров – првиот амбасадор на Бугарија во земјава.

Прочитај повеќе

Спасовски: Нема да ги одложуваме манифестациите, ќе ги следиме препораките на Кризниот штаб

Албанија: 13 сомнителни случаи за коронаврус – сите негативни

Слободен печат

Големи инциденти на грчките острови Лезбос и Хиос, над 60 повредени

Слободен печат

Д-р Караџовски: Едно позитивно лице не значи ризик за населението, медицинските служби се подготвени

МИА Агенција

ОФИЦИЈАЛНО: Потврден првиот случај на коронавирус во Македонија

Слободен печат

Прес-конференција на Спасовски, Филипче и Караџовски во Владата (ВО ЖИВО)

МИА Агенција

Остави Коментар

Прочитај повеќе

ДИК ги повика граѓаните да извршат увид во Избирачкиот список до 11 март

Слободен печат

Потврден коронавирус во Македонија

Слободен печат

Во Подгорица превентивно поставени шатори поради коронавирусот

Слободен печат

Трамп ги продолжи санкциите против Кремљ

Слободен печат

На 1ви Март започнува новата наградна игра на Макпетрол, „ВЕРНА секогаш со Вас!“

Слободен Печат

Министерот Адеми на чело на владината делегација на одбележување на годишнината од загинувањето на претседателот Трајковски во Мостар

Слободен печат