Македонските фудбалски надежи подобри од Романија
Македонската репрезентација до 16 години одигра нерешено, без голови (0:0) против врсниците од Романија на првиот натпревар од пријателски карактер одигран на ФФМ тренинг центарот „Петар Милошевски“ – Скопје.
Во договор меѓу двете селекции, победникот се решаваше на пенали, а нашата репрезентација беше подобра со 5:4. Во регуларните 90. минути двете селекции не постигнаа погодок.
Најубавата шанса за нашата селекција предводена од Драган Канатларовски не ја искористи Георг Стојановски во второто полувреме, а убава шанса за победа на македонската репрезентација не искористи и Дашмир Елези.
Македонија до 16 години: Стефан Тасев, Марко Ристов (66` Никола Павлевски), Бљенд Зекири, Енис Буќи (89` Борјан Попоски), Матеј Ангелов (66` Давид Љушев), Дашмир Елези (84` Огнен Здравковски), Георг Стојановски (66` Михаил Талевски), Бесар Гуџуфи (80` Матео Софијановски), Игор Јаневски, Мите Митев (80` Мирче Стоилов), Хамса Меметриза (66` Матеј Ѓорѓиев);
Двете репрезентации вториот контролен натпревар ќе го одиграат в четврток од 11:00 часот.