Македонските фудбалери во важна битка против Украина за осминафинале на ЕП
Денеска од 15.00 часот на стадионот во Букурешт најдобрата македонска репрезентација ќе го игра вториот натпревар од групата „Ц“ на Европското првенство, а противник е селекцијата на Украина.
После поразот од Австрија (3:1), нашите фудбалери предводени од селекторот Игор Ангеловски се надеваат на подобро издание и резултат после кој ќе се одржуваат надежите за осминафинале на континенталниот собир.
Како што најавуваат од македонската репрезентација, следува најважниот меч кој веројатно оваа генерација ќе го игра.
Имаме ситуација во која, пред верните навивачи кои без сомнение се очекува повторно да ги има во голем број на Националната Арена во романскиот главен град, можеме да се поправиме на резултатски план.
– Атмосферата останува иста, доволно сме мотивирани, затоа што знаеме дека има шанса да поминеме понатаму. Нема потреба да паѓаме доле, главата горе. Со Украина ќе биде клучен натпревар. Имаме после дуел и со Холандија, но доколку ја победиме Украина имаме големи шанси да ја поминеме групата – вели македонскиот репрезентативец, Александар Трајковски.
ЕВРО 2020
Група „Ц“, 2. коло, двојки –
15.00 часот Украина – Македонија
21.00 часот Холандија – Австрија
Табела: Австрија 3 бодови, Холандија 3, Украина 0, Македонија 0
„Слободен печат“ во Букурешт: Да му ја покажеме нашата „шева“ на украинскиот селектор
ЕВРО 2020, Хаџиевски: Да направиме нешто како поедноставно да ја изненадиме Украина!
ФОТО: Последни подготовки на фудбалерите пред дуелот со Украина