Македонскиот тенисер Ивановски успешно го започна новиот турнир во Мадрид

Калин Ивановски, најдобро рангираниот македонски тенисер на АТП/фото: instagram.com/kalin_ivanovskii

Калин Ивановски со нов настап во шпанскиот главен град, денеска во 1/16 финалето го елиминираше Марат Шарипов од Русија со 2:0.

Македонскиот тенисер, кој е петти носител на турнирот, дојде до победата за скоро еден и пол час игра, првиот сет го освои со 6:4, а вториот со 7:5.

Противник на нашиот натпреварувач во осминафиналето ќе биде подобриот од дуелот меѓу Федерико Бондиоли (Италија) и Мансиља Диез (Шпанија).

Најдалеку Ивановски годинава на турнирите организирани во Мадрид стигнуваше до четвртфиналната фаза.

– Ива Данева најдобра во Марибор

За убави вести се погрижи македонската репрезентативка Ива Данева во игра на двојки го освои ИТФ турнирот J4 Марибор Опен. Данева заедно со тенисерката од Русија, Анастасија Ашченко, беа подобри од словачката двојка Копова/Лацкова со 6:1 и 6:4.

Видео на денот