Македонскиот тенисер Ивановски ќе настапи на јуниорскиот „Вимблдон“
Калин Ивановски, една од најголемите македонски тениски надежи, в сабота ќе го започне настапот на јуниорскиот турнир „Вимблдон“ во Лондон.
Во сингл конкуренцијата Македонецот ќе ги одмери силите против квалификантот Лука Поу (Велика Британија) кој учествува со „вајлд-карта“.
Доколку слави победа, Ивановски во второто коло ќе игра со подобриот од мечот Алесио Басил (Белгија) – Родриго Пачеко Мендез (Мексико, 11 носител).
Во изминатиот период настапи со нашата репрезентација во рамките од Дејвис куп во чие натпреварување беше обезбеден опстанокот во Третата европска група.
Во Улцињ (Црна Гора) каде што организираа мечевите во Дејвис куп, Ивановски забележа три победи против Молдавецот Снитари, Црногорецот Јовановиќ и Родеш од Луксембург.