Македонскиот селектор Ангеловски би можел да ја води Џенова!?
Игор Ангеловски следниот месец ќе ја води македонската А репрезентација во своето прво нејзино учество на европските шампионати.
Веќе шест години Ангеловски нема клуб, претходно беше дел од Работнички, а денеска италијанските медиуми шпекулираат дека можно е тој од следната сезона да седне на клупата на Џенова.
Џенова на нашиот напаѓач Горан Пандев успеа и сезонава да обезбеди опстанок во Серија А, и натаму капитенот е во дилема дали и следната сезона, по завршувањето на ЕВРО 2020, ќе биде активен на фудбалските терени.
LA REPUBBLICA GENOVA – I tifosi ringraziano Ballardini. Spunta il nome di Angelovski – https://t.co/5m34HEeQPc pic.twitter.com/cqEBZo20Pg
— pianetagenoa1893.net (@pianetagenoa) May 24, 2021
Ангеловски има договор со репрезентацијата до крајот на континенталниот собир, останува да се види дали ќе ја продолжи соработката и ја води селекцијата и во мундијалските квалификации.
Како што пишува новинарот од „Гаѕета дело Спорт“, Алфредо Педула во својот блог, селекторот би можел да биде новиот тренер на калчолигашот Џенова.
Изворот вели дека една од идеите на претседателот на Џенова, Енрико Прециози, е да го доведе човекот кој ја однесе македонската репрезентација на ЕП.
Сериозна препорака за ангажман на Ангеловски доаѓа и од Пандев, кој според Педула, во тој случај би ја продолжил својата играчка кариера во клубот за уште една година, и покрај првичните најави за размислување за „пензија“ по претстојното Европско првенство.
