Македонскиот репрезентативец Ристовски има понуда од Грција
Екипата на АЕК предводена од шпанскиот тренер Мануел Хименез ја следи ситуацијата со Стефан Ристовски, информираат грчките медиуми.
Овој клуб исто така се обидува да ангажира десен бек во текот на зимскиот преоден рок.
Репрезентативецот на Македонија веќе одамна не е во првиот состав на Спортинг Лисабон, а Португалците ги разгледуваат можните понуди за нашиот дефанзивец.
Од претходно интерес за услугите на Ристовски покажа и рускиот тим на Динамо Москва.
Во својата кариера пред да им се придружи на лисабонските „лавови“, Македонецот ги бранеше боите на Вардар, Парма, Кротоне, Фросиноне, Бари, Латина и Риека.