Македонскиот репрезентативец Несторовски има понуда од Серија А
Илија Несторовски кој ги брани боите на Удинезе, според италијанските медиуми има понуда од клуб кој исто така сезонава игра во најдоброто италијанско првенство.
Екипата на Специја е во потрага по централен напаѓач и ја следи ситуацијата со македонскиот репрезентативец кој би можел веќе во јануари да ја напушти „Дачија“ Арената.
Моментно на табелата во тамошниот шампионат Специја се наоѓа на 17 место со пет бода, а два помалку на 19 позиција има Удинезе. До сега оваа сезона нашиот интернационалец само еднаш беше стартер, против Виченца во Купот на Италија и трипати во Серија А добиваше шанса од клупата.
Како што информира „Тутомеркатовеб“, екс играчот на Палермо, кој одлучи да остане на „Фриули“ во текот на летниот период, подготвен е да си замине претстојната зима од Удине.
30-годишниот фудбалер од доаѓањето во јули 2019 од вкупно 34 настапи реализираше три голови. Има договор со клубот до 30 јуни 2022 година и според „Трансфермаркт“ вреди 2.8 милиони евра.