Во дербито од првото коло во најсилната кошаркарска лига на Хрватска во трката за шампионската титула составот на Задар загуби минимално со 83:84 од Сплит.

Задар водеше во текот на целиот натпревар, но во самиот финиш од мечот Сплит успеа да дојде до триумфот.

За Задар дебитираше македонскиот репрезентативец Адем Мекиќ кој имаше одличен учинок од 15 поени за скоро 24 минути игра.

Поефикасни од нашиот играч беа само Марко Рамљак со 20 и Дарио Дрежњак со 19 поени.

На спротивната страна Мате Калајџиќ беше најрасположен со 22 поени, шест помалку имаше Маркел Луис Саливен.

Тренерот на Задар, Даниел Јусуп по завршувањето на натпреварот изјави дека е задоволен од настапот на Мекиќ кој само два дена е со клубот, придонесуваше во играта, со креација, шут, доста помагаше. Јусуп и во следните мечеви очекува таков придонес.