Македонскиот репрезентативец Елмас на „радарот“ на Фиорентина
Елиф Елмас, еден од најдобрите македонски репрезентативци, моментно играч на Наполи, повторно се поврзува со трансфер во друг клуб.
Нашиот фудбалски „дијамант“ има важечки договор со „наполитанците“ до 30 јуни 2025 година.
Минатата сезона, вкупно трета за Елмас во дресот на Наполи, во италијанската Серија А запиша 37 настапи и постигна три голови.
Италијанските медиуми шпекулираат дека Фиорентина ја следи ситуацијата со нашиот 22-годишен играч од средниот ред. За Македонецот пишуваат дека е многу сестран фудбалер, но никогаш не ја уживал досега целосната доверба на наполитанскиот клуб.
Дури и во изминатата сезона играчот често мораше да се задоволи со помала минутажа. Неговата вредност се проценува околу 20 милиони евра, веќе со стекнато искуство на италијанската, но и меѓународната сцена, па би можел да има клучна улога во составот на тренерот на „виолетовите“, Винченцо Монтела.