После настапот на Европското првенство во Тампере, македонскиот репрезентативец Филип Деспотовски има нов клуб во својата кариера.

Нашиот техничар ќе настапува во Црна Гора за тамошниот одбојкарски шампион Будва која се подготвува за следните предизвици.

Претходно ги бранеше боите на естонскиот клуб Саарема со кој успеа да освои по едно сребро во националната и Балтичката лига.

Играше и во Грција за ПАОК и Ираклис, кипарскиот Анагениси Деринеас, романските Аркада Галаци, Залау, Динамо Букурешт и Томиас Констанца, рускиот Тјумен и Работнички.

Се очекува Будва и во новата сезона да биде апсолутен фаворит за двата домашни трофеи во Црна Гора, а од 6 октомври ќе го започне и настапот во Лигата на шампионите против Младост Загреб од Хрватска.