Македонскиот камионџија во САД повторно ќе ви ги стопли срцата (ВИДЕО)
Откако минатата година се облече како Дедо Мраз и на скопските улици делеше новогодишни пакетчиња на бездомниците, влогерот со автентичен хумор, Дарко Јефремов ги освои срцата на македонската јавност.
https://www.instagram.com/p/BsA3hOYHNGV/?utm_source=ig_embed
Во едно интервју Јефремов откри дека е роден во Ниш, растен во Скопје, школуван во Битола, а сега работи во САД како камионџија. На голем дел од јавноста, Дарко е познат по неговото неформално шоу „Камионџија“, во кое тој се снима додека вози камион и „пука сеир“. Тој е доста популарен на Инстаграм и има фанови од цела Македонија, но и регионот, што придонесе балканските медиуми да се заинтересираат за неговиот Инста-хумор и да му постават прашања за интервју.
Но, вистинската причина поради која пишуваме сега за Дарко, е неговото последно видео на Инстаграм. Оние што го следат, знаат дека тој стои и зад Инста-профилите Да бидеме хумани и ДарковлогсШоп. На вториот профил, може да се нарача облека со неговиот бренд или хумористични написи. Камионџијата преку видео обраќање покажа колку приходи се собрани од продажбата на неговата онлајн продавница, а добрата вест е што покажа и точно каде ќе завршат сите тие пари – за хуманитарни цели, и тоа со име и презиме на лицата на кои им е најпотребна помошта. Браво Дарко!
Погледнете го видеото:
https://www.instagram.com/p/B5nIwYOHMm7/