Денеска на фјучрс турнирот кој се одржа во Куршумлијска бања, Србија, Лина Ѓорческа триумфираше во сингл конкуренцијата. За Ѓорческа ова е прва титула во 2023 година, а вкупно 13-та во сингл во нејзината кариера.

Најдобрата македонска тенисерка во финалето со резултат 2:0 во сетови 6:3 и 6:3 ја совлада Антониа Ружиќ од Хрватска.

На овој турнир Ѓорческа беше петта носителка, во првото коло беше слободна, а во 1/16 финалето со 6:7 (5), 6:4 и 7:6 (3) ја елиминираше Река-Луца Јани од Унгарија.

Потоа, во осминфиналето со 3:6, 6:2 и 6:3 славеше победа над Миа Ристиќ од Србија, во четвртфиналната фаза со 7:5 и 7:6 (3) оствари триумф против Французинката Лоа Боасон.

А на претпоследната пречка, во полуфиналето Македонката убедливо со 6:1 и 6:3 ја надигра Доминика Салкова од Чешка.