Македонската тенисерка Ѓорческа во полуфиналето на турнирот во Грција

фото: mtftennis.mk

Денеска во четвртфиналето на турнирот во Ираклион, Грција, македонската тенисерка Лина Ѓорческа оствари нова победа.

Нашата натпреварувачка која е осма носителка на турнирот, триумфираше над Софиа Рочети од Италија со 2:0 во сетови.

Ѓорческа убедливо го доби првиот со 6:1, а нејзината противничка успеа да освои четири во вториот сет.

Македонката за пласман во големото финале ќе игра против шестата носителка Мириам Бјанка Булгару.

Победничката од тој дуел во борбата за титулата ќе игра против подобрата од вториот полуфинален меч Екатерина Макарова (Русија, 5 носителка) – Дарја Семенистаја (Летонија).

Видео на денот