Македонската и Бугарската национална телевизија потпишаа Меморандум со кој ќе разменуваат програми

Знаме на РСМ и Република Бугарија / Фото: Архива на Слободен печат

 Јавните сервиси Македонската радио телевизија и Бугарската национална телевизија потпишаа меморандум за разбирање, со којшто на реципрочен начин ќе разменуваат вести, детски, музички, забавни, културни и образовни програми, а чија цел е да се развиваат пријателски односи и заемно корисна билатерална соработка.

Директорите на јавните сервиси на двете земји велат дека целта е да се развијат пријателски односи и заемно корисна билатерална соработка.

-Ќе продолжиме да правиме размена на програми од областа на туризмот, културата, образованието, музиката, на дневни информации и на вести. Ние, наскоро сакаме да отвориме и дописништво во Софија, се надевам дека и БНТ ќе отвори дописништво во Скопје, во Македонија, така што на еден заеднички начин да успееме да ги доближиме телевизиите што е можно поблиску, изјави директорот на МРТ, Марјан Цветковски.

Директорот на Бугарската национална телевизија Емил Кошлуков изрази надеж дека двете телевизии поактивно ќе работат со цел двата народа подобро да се запознаат.

-Ова е договор со Македонската јавна телевизија, со кој се надеваме дека ќе започнеме да работиме поактивно, да размениме содржини меѓу нашите две телевизии. И додека политичарите се занимаваат со политика, историчарите со историјата, ние правиме телевизија. Можеме да прикажеме убави извештаи за Македонија, за Охрид, има толку убави места, и тие можат да гледаат репортажи за бугарски места. Може да има македонска музика и фолклор, можеме да им ги дадеме нашите за да можат двата народа да се запознаат и слушнат. Мислам дека ова е патот, нагласи директорот на БНТ, Кошлуков.

Со потпишувањето на меморандумот со БНТ, Македонската телевизија ја продолжува соработката со јавните сервиси од регионот. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот