Македонска пресметка во ЕХФ Купот, Лазаров против Кузмановски
Денеска со ждрепка беа извлечени групите за новата натпреварувачка сезона во ЕХФ купот каде што ќе играат и тројца македонски репрезентативци.
Магдебург од Германија на Филип Кузмановски ќе игра во групата „Ц“, а еден од противниците ќе му биде францускиот Нант во чии редови настапува неговиот репрезентативен колега Кирил Лазаров.
Во групата „Ц“ се наоѓаат уште словенечкиот Горење Велење кој во последното трето квалификациско коло го елиминираше скопски Металург, и Адемар Леон од Шпанија.
The Men's #ehfcup group phase draw has now been completed and ⬇ is how the 4 groups look ?
Are you satisfied with the draw for your favourite team? ? pic.twitter.com/FYFPPf729o— EHF European Cup (@ehf_ec) November 28, 2019
Нашиот голман Борко Ристовски кој беше еден од најзаслужните што неговата Бенфика се пласираше во групната фаза ќе игра во групата „А“ со Бјерингбро-Силкеборг, Гвардиа Ополе и Мелсунген.
Првите натпревари се на 8/9 февруари, а групната фаза ќе заврши на 28/29 март 2020 година.
ЕХФ Куп (сезона 2019/20)
Група „А“
Мелсунген (Германија)
Бјерингбро-Силкеборг (Данска)
Гвардиа Ополе (Полска)
Бенфика (Португалија)
Група „Б“
Рајн Некар Левен (Германија)
Куенка (Шпанија)
Ним (Франција)
Холстебро (Данска)
Група „Ц“
Магдебург (Германија)
Нант (Франција)
Горење Велење (Словенија)
Адемар Леон (Шпанија)
Група „Д“
ПАУЦ Хандбал (Франција)
Татабања (Унгарија)
Фуксе Берлин (Германија)
Логроњо Ла Риоха (Шпанија)
