ВМРО-ДПМНЕ: СДСМ изврши противуставна и насилна промена на уставното име

Неправдата не смее да остане. СДСМ покажа дека ја води државата во погрешен правец. Токму затоа треба да си замине.

32

СДСМ изврши незаконска, противуставна и насилна промена на уставното име на државата, се вели во соопштението на ВМРО-ДПМНЕ, по изгласувањето на уставните измени во Собранието.

81 пратеник вчера донесоа срамна и незаконска одлука со која ја негираат волјата на македонскиот народ изразен на референдумот од 30 септември, кој не беше успешен и со тоа никој во државата нема легитимитет да постапува во спротивност на истиот, велат од ВМРО-ДПМНЕ.

Со договорот од Преспа се нанесува огромна штета врз македонската држава и македонскиот народ. ВМРО-ДПМНЕ ќе стори се што е во негова моќ оваа неправда да биде исправена.

Неправдата не смее да остане. СДСМ покажа дека ја води државата во погрешен правец. Токму затоа треба да си замине. ВМРО-ДПМНЕ бара распишување на предвремени парламентарни избори заедно со претседателските, за оваа криминогена власт која и нанесе голем број на порази на државата и ја зацрни нејзината иднина да си замине, наведуваат ВМРО-ДПМНЕ.