Продолжува судењето за „Таргет-Тврдина”

обвинителство ојо

Во Кривичниот суд денеска треба да се одржи ново рочиште за предметот „Таргет – Тврдина” на СЈО што го презема во надлежност и натамошно постапување Јавното обвинителство на Македонија.

На минатото судење во вкрстено испрашување сведокот Зоран Верушевски рече дека бегалците Никола Груевски, Горан Грујовски и Никола Бошковски поседуваат многу пообемна документација од онаа што лидерот на СДСМ Зоран Заев ја предаде во Специјалното јавно обвинителство. Ексразузнавачот потенцираше дека мандатот на СЈО од тоа време до денес е со цел да се урне митот дека таа документација е сечена и лепена.

Случајот за незаконското следење на комуникациите „Таргет-Тврдина” се наоѓа во доказна постапка и го води судијката Џенета Бегтовиќ, а застапник на обвинението е Ленче Ристевска.

Според обвинителниот акт, преку три системи за следење на комуникациите во УБК во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби.

Комуникацијата била следена пред да бидат издадени и по завршување на траењето на важноста на судските наредби на 1.541 број или вкупно 5.827 телефонски броеви. Биле прислушувани над 20 илјади граѓани.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот