Македонија визата за ЕП 2020 ќе ја вади во Минск или Тбилиси
Фудбалската репрезентација на Македонија откако не успеа преку квалификациите да обезбеди пласман на ЕВРО 2020, визата на континенталниот собир ќе се обиде да ја извади преку Лигата на нациите.
Македонија во полуфиналето од групата Д, на Националната Арена „Тодор Проески“ го пречекува Косово, додека во второто полуфинале се среќаат Белорусија и Грузија. На денешната ждрепка беше одлучено Македонија доколку го совлада Косово, во финалето да не игра на домашен терен, туку ќе му гостува на победникот од второто полуфинале.
Полуфиналната пресметка со Косово предвидено е да се игра на 26 март идната година, а финалето против победникот од дуелот меѓу Грузија и Белорусија ќе се игра на 31 март.
Жреб за полуфинале:
А-Дивизија:
Полуфинале 1: Исланд – Романија
Полуфинале 2: Бугарија – Унгарија
Б-Дивизија:
Полуфинале 1: Босна и Херцеговина – Северна Ирска
Полуфинале 2: Словачка – Ирска
Ц-Дивизија:
Полуфинале 1: Шкотска – Израел
Полуфинале 2: Норвешка – Србија
Д-Дивизија:
Полуфинале 1: Грузија – Белорусија
Полуфинале 2: Северна Македонија – Косово