Денеска најдобрата македонска женска репрезентација ќе го игра и вториот натпревар од квалификацискиот турнир во Скопје за учество во баражот за Светското првенство во Шпанија.

Вчера во првиот ден избраничките на селекторот Симе Симовски започнаа успешно со триумфот над Исланд од 24:17. Со почеток од 17.00 часот во СЦ „Борис Трајковски“ нашата селекција ќе игра против Литванија која на стартот славеше над Грција со 27:26.

Со евентуален триумф нашите ракометарки и дефинитивно ќе го обезбедат местото во мундијалскиот бараж, а доколку тоа не се случи, ќе има уште една шанса в недела против грчката селекција.

Составот на Македонија за денешниот натпревар: Стојановска, Гакидова, Боризовска, Седлоска, Џатевска, Ѓорѓиевска, Серафимова, Јанкуловска, Мицевска, Јовановска, Кипријановска, Ристовска, Ливриниќ, Стојковска, Дабевска, Гичевска.

Од 19.00 часот ќе се игра и вториот меч помеѓу репрезентациите на Исланд и Грција.

Фото: Филип Вирановски/gol.mk