Македонија падна две места на ЕХФ ранг листата
Македонскиот клупски ракомет падна за две позиции на најновата ранг листа на ЕФХ, според кој се врши распределбата на местата во европските купови. Падот нема да остави голем белег врз клупскиот ракомет бидејќи Македонија и во сезоната 2021/22 ќе има ист број на учесници во европските купови.
„Вина“ за падот од две места има и кај самата ЕХФ која го елиминира Вардар од Лигата на шампионите, односно по завршувањето на групната фаза ги откажа елиминациските натпревари поради пандемијата на коронавирусот и го закажа само фајналфор турнирот на кој ќе учествуваат најдобрите две екипи од двете групи. Вардар во осминафиналето требаше да се сретне со ПИК Сегед.
Исто така и останатите македонски екипи имаа послаби резултати во европските купови, односно освен Еурофарм Пелистер, ниту една друга екипа не играше во групната фаза од ЕХФ Купот.
Сепак, Македонија се уште има висок рејтинг со петтото место на ранг листата, а бевме прескокнати од Шпанија, додека Унгарија остана на четвртото место. На првите две места се Германија и Франција, додека зас нас се наоѓаат Полска, Данска, Португалија, Хрватска….