Македонија останува во врвот на европскиот ракомет и оваа година, го задржа седмото место на ранг листата на најуспешни земји во клупските натпреварувања. Коефициентот на Македонија изнесува 58.11 поени, и има дури 22 поени повеќе од осмата Португалија.

Седмото место на ранг листата и овозможува на Македонија во следната сезона да има четири претставници во Евро куповите, еден во Лигата на шампионите, а три екипи ќе играат во ЕХФ Купот.

Засега сигурни учесници во Европа се, шампионот Вардар кој повторно ќе игра во Лигата на шампионите, додека Еурофарм Работник и Металург ќе играат во ЕХФ Купот. По завршувањето на сезоната ќе биде познат и последниот патник во европското натпреварување.

На првото место на ранг листата се најде Франција, и заедно со Германија се двете земји кои имаат по пет места во евро куповите, пред доделувањето на вајл картите за ЛШ.