Светската ракометна федерација (ИХФ) објави дека Чиле е последната репрезентација која ќе игра на наредниот Мундијал.

Македонија ја загуби и последната шанса да настапува на Светското првенство 2021 во Египет. ИХФ одлучи последното слободно место да им го даде на Чилеанците. Последна, но не и реална, шанса на Македонија е евентуалниот отказ на некоја од репрезентациите кои обезбедија учество на светскиот шампионат.

Чиле беше фаворит на квалификацискиот турнир „Последна шанса“ во Средна и Јужна Америка кој сепак не се одржа поради пандемијата на коронавирусот.

Но, и покрај тоа Советот на ИХФ донел одлука да ја покани оваа јужноамериканска селекција која на СП ќе игра во групата „Г“ заедно со домаќинот Египет, Шведска и Чешка.

Потсетување дека поради ситуацијата со ковид-19 требаше да играме бараж против Франција, но ЕХФ ги откажа дуелите, па учество зедоа најдобропласираните 14 репрезентации од последното ЕП. Ние на тој континентален собир го освоивме 15 место, а не успеавме ни со „вајлд-кард“.

ВИДЕО: Годините не влијаат на ракометниот „Крал“, Лазаров прогласен за МВП!