Македонија нема да игра на ракометниот Мундијал, ракометарите не добија вајлд-карта
Македонската ракометна репрезентација за прв пат по пауза од десет години нема да учествува на Светско првенство. ИХФ одлучи да не им даде вајлд-карта на ракометарите за СП во Египет 2021 година иако имаше подобар пласман на Европското првенство од јануари, од двете селекции кои беа „наградени“, Полска и Русија.
Ова значи дека Македонија по четири учества по ред, на ракометните Мундијали (2013, 2015,2017, 2019) нема да биде дел од едно Светско првенство.
Поради пандемијата на коронавирусот, Светската ракометна федерација ги откажа бараж-мечевите и нашиот противник во тие дуели, Франција го испрати на СП во Египет.
Во РФМ се надеваа дека ИХФ во доделувањето на вајлд-картите ќе го земе во предвид пласманот на ЕП кое се играше на почетокот од годинава и на кое Македонија има најдобар пласман од сите земји кои аплицираа за вајлд-карта, но наградени беа Полска и Русија.