Македонија напредуваше за седум позиции на ФИФА ранг листата
Македонија со победите во последните два натпревари од квалификациите за пласман на Светското првенство во Катар, скокна за седум места на најновата ФИФА ранг листа.
Нашите најдобри фудбалери овој месец во Ереван убедливо славеше над Ерменија со 0:5, па три дена подоцна во Скопје со триумфот над Исланд од 3:1 го обезбеди мундијалскиот бараж.
Кога има добри резултати, победи, има и напредок на ФИФА листата, па така моментно Македонија е на 67 место со 1367, 23 поени, веднаш зад Албанија, а пред Јужна Африка.
На врвот останува Белгија со 1828,45 поени, пред Бразил (1825,35), а третопласирана е Франција (1786,15).
Во првата „десетка“ се наоѓаат уште Англија, Аргентина, Италија, Шпанија, Португалија, Данска и Холандија. Целосната ФИФА ранг листа можете да ја погледнете ТУКА