Македонија напредуваше на ФИФА ранг листата
ФИФА го објави нашето напредување од две позиции, иако „црвено-жолтите“ не забележаа позитивни резултати.
Моментно се наоѓаат на делба на 71 место (1333 поени) заедно со репрезентацијата на Кина.
Во последните два натпревари од квалификациите за Европското првенство 2020 година во јуни во Скопје загубивме од Полска (0:1) и Австрија (1:4).
Оттогаш избраниците на селекторот Игор Ангеловски немаа никаква обврска, наредните ќе ги имаат во септември во евро квалификациите и гостувањата кај Израел и Летонија.
NEW #FIFARANKING
Continental champs reap their rewards this month ?
?? @CBF_Futebol climb to 2⃣
?? @LesVerts make big leap ?
?? @miseleccionmxEN jump up table ?More ?
— FIFA.com (@FIFAcom) July 25, 2019
Во Топ 10 на врвот останува Белгија со 1746 поени, а сега на втората позиција е Бразил кој неодамна го освои трофејот на „Копа Америка“ и има 1726 поени.
На третото место падна актуелниот светски шампион Франција (1718), Англија остана четвртопласирана (1652), а Уругвај кој скокна за три места е петтопласиран (1637).
Редоследно од шестата до 10 позиција се наоѓаат селекциите на Португалија, Хрватска, Колумбија, Шпанија и Аргентина.