Македонската машка сениорска ракометна репрезентација ќе настапи на Светското првенство во Полска и Шведска кое ќе се одржи од 11 до 29 јануари 2023 година.

Неодамна нашиот селектор Кирил Лазаров го објави поширокиот список на играчи на кои треба да смета за Мундијалот.

Нашите најдобри ракометари ќе играат во полскиот Краков во „Таурон“ Арената во групата „Ф“ со Норвешка, Аргентина и Холандија.

Како што објавуваат од хрватската ракометна федерација, непосредно пред стартот на СП, во јануари на „Кроација куп“ покрај домаќинот, ќе учествуваат и репрезентациите на Македонија и Израел.

И Хрватите кои исто така се учесници на Мундијалот, го објавија поширокиот список во кој има 35 играчи, а во истиот се наоѓа и екс играчот на Вардар 1961, Иван Чупиќ.