Најдобрата македонска машка ракометна репрезентација на 10. јануари во Виена ќе го започне својот шести настап на континенталните собири.

За точно седум дена прв ривал во прелиминарната групна фаза ќе ни биде Украина, два дена подоцна избраниците на селекторот Данило Брестовац ќе ги одмерат силите против Чешка, а на 14. јануари и против еден од домаќините на ЕП, Австрија.

Учествуваат 24 селекции, а првопласираните две репрезентации од секоја група ќе бидат во главната фаза која ќе сочинува 16 селекции.

Според светските обложувалници Македонија ќе заврши на 13. место, што би било најслаб пласман на еврошампионатите. На нашето прво ЕП, организирано во 1998 година во Италија, ја освоивме 12. позиција, но со напомена дека тогаш настапуваа само 12 репрезентации.

Бранител на европскиот трофеј е Шпанија, а како најголем фаворит за титулата на ЕП 2020 според обложувалниците има Данска.