Денеска со жрепка во Хелсинки македонската машка сениорска одбојкарска репрезентација ги дозна противниците на Европското првенство кое ќе се одржи во четири земји (Финска, Чешка, Естонија, Полска) од 1 до 19 септември 2021 година.

Нашите репрезентативци ќе играат во финскиот Тампере во групата „Ц“ заедно со домаќинот Финска, потоа Русија, Холандија, Турција и Шпанија.

Ова е второ учество за нашата селекција на континенталните собири, дебито го имавме во 2019 година, и тогаш во групата ги имавме за ривали Русите, Турците и Финците.

Со Турците игравме и во квалификациите за учество на следното ЕП, загубивме на гости со 3:1, а дома се реванширавме со истиот резултат.

Во групата „А“ се Полска, Белгија, Србија, Украина, Грција и Португалија, во групата „Б“ Чешка, Италија, Словенија, Бугарија, Белорусија и Црна Гора и во групата „Д“ селекциите на Естонија, Летонија, Франција, Германија, Словачка и Хрватска.

The #EuroVolleyM Drawing of Lots is completed.
Pool A: 🇵🇱🇧🇪🇷🇸🇺🇦🇬🇷🇵🇹
Pool B: 🇨🇿🇮🇹 🇸🇮🇧🇬🇧🇾🇲🇪
Pool C: 🇫🇮🇷🇺🇳🇱🇹🇷🇪🇸🇲🇰
Pool D: 🇪🇪🇱🇻🇫🇷🇩🇪🇸🇰🇭🇷

Read more ➡️ https://t.co/glbNrJtJTC#CEV #EuropeanVolleyball #Volleyball pic.twitter.com/i0R0YeF4R1

— European Volleyball (@CEVolleyball) May 27, 2021

Да додадеме уште дека в петок избраниците на селекторот Никола Матијашевиќ во Шлагелсе ќе го започнат настапот и на вториот турнир во рамките од Европската Сребрена лига.

Од 19.00 часот силите ќе ги одмерат со домаќинот Данска од кого загубија на првиот турнир во Скопје (0:3). В сабота од 16.00 часот во вториот меч ќе се соочат со Израел, а в недела во истиот термин против Кипар.