В четврток од 20.45 часот македонската фудбалска А репрезентација ќе го игра седмиот натпревар од квалификациите за пласман на Европското првенство 2020 година против селецкијата на Словенија.

Избраниците на селекторот Игор Ангеловски немаат друга алтернатива, освен триумф доколку сакаат да ја продолжат борбата за една од првите две позиции во групата „Г“ кои водат директно на континенталниот собир.

Фудбалската федерација на Македонија (ФФМ) ги повикува сите љубители на фудбалот и спортот воопшто да ги бодрат нашите „рисови“ да освојат три големи бода. Во првиот меѓусебен дуел во Љубљана ремизиравме со 1:1.

Во продолжение да погледнеме како светските обложувалници го предвидуваат овој меч што ќе се игра на Националната арена „Тодор Проески“ – Скопје.

Нешто помал коефициент имаат Словенците, па така и самите обложувалници се свесни дека на теренот ќе има голема борба и ќе биде неизвесно резултатски до самиот крај на средбата.

На пример, според „бет365“, квотата за победа на Македонија е моментно 3.40, а за Словенија е 2.35. Потоа, за „бетфер“ победа за Македонија коефициентот е 3.50, а за Словенија 2.15, итн.