Македонија и Бугарија ќе претседаваат со самитот на Западен Балкан во Софија

Фото: Слободен печат/Драган Митрески

Лидерите на ЕУ и на Западен Балкан ќе се сретнат на 10 ноември на самит во Софија, кога треба да биде усвоен планот за реализација на регионалната економска област.

Самитот во Софија се одржува во рамките на Берлинскиот процес, а со него претседаваат Бугарија и Северна Македонија.

Европската комисија наведува дека во моментов се развива и усогласува визијата за регионалната економска заедница на Западен Балкан и дека ќе биде подготвена за усвојување на самитот во Софија.

„Планот треба да биде структуриран околу четири слободи и конкретни мерки што ќе донесат опипливи придобивки за компаниите и граѓаните во регионот. Овие вклучуваат намалување на прекуграничните банкарски такси, отстранување на техничките бариери за трговија, усогласување на политиките за инвестиции, признавање на професионалните квалификации низ целиот регион, поттикнување на е-трговија и слично”, наведуваат во Комисијата.

Последниот самит во рамките на Берлинскиот процес се одржа во 2018 година во Трст. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот